Kryetari i Lidhjes Demokratike të Kosovës, Lumir Abdixhiku ka propozuar Kujtim Shalën për nënkryetar të Kuvendit të Kosovës, ndërsa Hykmete Bajramin për shefe të Grupit Parlamentar të LDK-së.

Me anë të një postimi në Facebook, Abdixhiku shkroi se ky propozim është mbështetur nga GP dhe Kryesia e LDK-së.

“Sot, para strukturave vendimmarrëse të partisë, kam propozuar Akademik Kujtim Shalën për nënkryetar të Kuvendit të Republikës, si dhe zonjën Dr. Hykmete Bajramin për Shefe të Grupit Parlamentar të LDK-së. Propozimi është mbështetur nga Grupi Parlamentar dhe nga Kryesia e Lidhjes Demokratike të Kosovës; dhe të dy pozitat do të nominohen përkatësisht caktohen nga grupi ynë. Ju priftë e mbara e dalshi faqebardhë në këtë detyrë fisnike për shtëpinë tonë politike, votuesit tanë e popullin e Kosovës”, shkroi Abdixhiku./Arbresh.info